Romjulssøndag
Salme
De to veier
Sal 1,1-6
1:1Sæl er det mennesket som ikkje går etter råd frå gudlause, ikkje står på vegen til syndarar, og ikkje sit i lag med spottarar. 2Nei, han har si glede i Herrens lov, og grundar på lova hans dag og natt. 3Han er som eit tre planta ved rennande bekker, som gjev frukt i si tid, og blada visnar ikkje. Alt han gjer, skal lukkast. 4Slik er det ikkje med dei gudlause. Dei er som agner som vinden blæs bort. 5Difor skal dei gudlause ikkje bli ståande i domen, og syndarar ikkje i forsamlinga til dei rettferdige. 6For Herren kjenner vegen til dei rettferdige, men vegen til dei gudlause fører til undergang.
Brev
Gudsfryktens mysterium
1Tim 3,16
3:16Og utan tvil er gudsfryktens løyndom stor: Han vart openberra i kjøtet, rettferdiggjord i Anden, sedd av englar, forkynt mellom folkeslaga, trudd på i verda, teken opp i herlegdom.
Evangelium
Flukten til Egypt
Matt 2,13-15
2:13Då dei var farne, synte ein Herrens engel seg for Josef i ein draum og sa: «Stå opp, ta med deg barnet og mor hans og røm til Egypt! Bli der til eg seier frå, for Herodes kjem til å leita etter barnet for å drepa det.» 14Då stod han opp, tok barnet og mor hans med seg om natta og drog til Egypt. 15Der vart han verande til Herodes døydde. Slik skulle det oppfyllast, det Herren hadde tala gjennom profeten: «Frå Egypt kalla eg son min.»