15. søndag i treenighetstiden
GT
Herren har sagt hva godhet er
Mika 6,6-8
6:6Kva skal eg koma fram for Herren med, korleis skal eg bøya meg for Gud i det høge? Skal eg koma til han med brennoffer, med eittårs kalvar? 7Vil Herren ha glede av tusenvis av vêrar, av titusenvis av oljebekker? Skal eg gje den førstefødde min for lovbrotet mitt, frukta i mitt liv for synda mi? 8Han har kunngjort for deg, menneske, kva som er godt. Og kva krev Herren av deg? Berre dette: å gjera rett, å elska trufast kjærleik og å ferdast audmjukt med din Gud.
Brev
Kjærlighet rik på dømmekraft
Fil 1,9-11
1:9Og dette bed eg om, at kjærleiken dykkar må veksa meir og meir i kunnskap og all innsikt, 10så de kan prøva kva som er best, og vera reine og ulastelege til Kristi dag, 11fylte av rettferds frukt som kjem ved Jesus Kristus, til ære og pris for Gud.
Evangelium
Elsk deres fiender
Matt 5,38-48
5:38De har høyrt det vart sagt: 'Auge for auge og tann for tann.' 39Men eg seier dykk: Set dykk ikkje imot den som gjer vondt mot dykk. Om nokon slår deg på høgre kinnet, så vend det andre til òg. 40Vil nokon føra sak mot deg og ta kjortelen din, lat han få kappa òg. 41Om nokon tvingar deg til å gå ei mil, gå to med han. 42Gjev til den som bed deg, og vend deg ikkje bort frå den som vil låna av deg. 43De har høyrt det vart sagt: 'Du skal elska nesten din og hata fienden din.' 44Men eg seier dykk: Elsk fiendane dykkar og be for dei som forfølgjer dykk. 45Slik kan de vera born av Far dykkar i himmelen. For han lèt sola si renna over vonde og gode og sender regn over rettferdige og urettferdige. 46Om de elskar dei som elskar dykk, kva løn har de då? Gjer ikkje tollarane det same? 47Og om de berre helsar venleg på syskena dykkar, kva stort gjer de då? Gjer ikkje heidningane det same? 48De skal då vera fullkomne, liksom Far dykkar i himmelen er fullkomen.