5. søndag i påsketiden
GT
Enken i Sarepta
1Kong 17,8-16
17:8Då kom Herrens ord til han: 9«Stå opp og gå til Sarepta, som høyrer til Sidon, og bu der. Eg har bode ei enkje der å syta for mat til deg.» 10Han stod opp og gjekk til Sarepta. Då han kom til byporten, fekk han sjå ei enkje som sanka ved. Han ropa til henne og sa: «Hent litt vatn til meg i ei skål, så eg kan drikka.» 11Då ho gjekk for å henta det, ropa han etter henne og sa: «Ta med eit stykke brød til meg òg!» 12Ho svara: «Så sant Herren din Gud lever, eg har ikkje ein brødkake, berre ein neve mjøl i krukka og litt olje i kruset. No sankar eg eit par vedpinnar, så eg kan gå heim og laga mat til meg og son min. Når vi har ete det, må vi døy.» 13Men Elia sa til henne: «Ver ikkje redd! Gå heim og gjer som du har sagt. Men bak først eit lite brød til meg av det du har, og kom ut med det til meg. Sidan kan du laga mat til deg sjølv og son din. 14For så seier Herren, Israels Gud: Mjølkrukka skal ikkje bli tom, og oljekruset skal ikkje minka, før den dagen Herren sender regn over jorda.» 15Ho gjekk og gjorde som Elia hadde sagt. Og både ho og han og heile huslyden hennar hadde mat i lang tid. 16Mjølkrukka vart ikkje tom, og oljekruset minka ikkje, slik som Herren hadde sagt gjennom Elia.
eller
Apostlane
Fellesskap mellom troende
Apg 2,42-47
2:42Dei heldt trufast fast ved læra til apostlane og ved fellesskapet, ved brødsbrytinga og ved bønene. 43Age kom over kvar sjel, og mange under og teikn vart gjorde gjennom apostlane. 44Alle dei truande var samla på same stad og hadde alt felles. 45Dei selde eigedomane og godset sitt og delte ut til alle etter som kvar trong. 46Kvar dag var dei trufast samla i tempelet, og heime braut dei brødet og åt saman med glede og ærleg hjarta. 47Dei lova Gud og hadde velvilje hos heile folket. Og Herren la dagleg til dei som vart frelste, til fellesskapet deira.
Brev
Til glede for Gud
Rom 12,1-3
12:1Difor formaner eg dykk, søsken, ved Guds miskunn, at de ber fram kroppane dykkar som eit levande, heilagt offer som er til hugnad for Gud. Dette er den åndelege gudstenesta dykkar. 2Og innrett dykk ikkje etter denne verda, men lat dykk omforma ved at sinnet vert fornya, så de kan avgjerda kva som er Guds vilje: det gode, det som er til hugnad for han, det fullkomne. 3Ved den nåden som er gjeven meg, seier eg til kvar og ein av dykk: Tenk ikkje høgare om deg sjølv enn du bør tenkja, men tenk fornuftig, etter det målet av tru som Gud har gjeve kvar enkelt.
Evangelium
Sennepsfrø og surdeig
Luk 13,18-21
13:18Så sa han: «Kva er Guds rike likt? Kva skal eg samanlikna det med? 19Det er likt eit sennepsfrø som ein mann tok og sådde i hagen sin. Det voks og vart til eit tre, og fuglane under himmelen bygde reir i greinene på det.» 20Og igjen sa han: «Kva skal eg samanlikna Guds rike med? 21Det er likt ein surdeig som ei kvinne tok og blanda inn i tre mål mjøl til alt var gjennomsyra.»