19. søndag i treenighetstiden
GT
Ordet er deg ganske nær
5Mos 30,11-15
30:11For dette bodet som eg gjev deg i dag, er ikkje for vanskeleg for deg og ikkje for langt borte. 12Det er ikkje i himmelen, så du skulle seia: 'Kven vil fara opp til himmelen for oss og henta det ned til oss, så vi kan høyra det og gjera etter det?' 13Det er heller ikkje på andre sida av havet, så du skulle seia: 'Kven vil fara over havet for oss og henta det til oss, så vi kan høyra det og gjera etter det?' 14Nei, ordet er deg svært nær, i munnen din og i hjartet ditt, så du kan gjera etter det. 15Sjå, eg har i dag lagt fram for deg livet og det gode, døden og det vonde.
Brev
Lovens krav i hedningenes hjerter
Rom 2,13-16
2:13For det er ikkje dei som høyrer lova, som er rettferdige for Gud, men dei som gjer det lova seier, skal verta rettferdiggjorde. 14For når heidningfolk som ikkje har lova, av naturen gjer det lova krev, då er dei si eiga lov, endå dei ikkje har lova. 15Dei viser at det lova krev, er skrive i hjarta deira. Samvitet deira vitnar med, medan tankane deira innbyrdes klagar eller forsvarar dei. 16Dette skal skje på den dagen då Gud ved Kristus Jesus dømer det løynde hjå menneska, slik evangeliet mitt forkynner.
Evangelium
Den som vil gjøre hans vilje
Joh 7,14-17
7:14Då det alt var midt i høgtida, gjekk Jesus opp i tempelet og underviste. 15Korleis kan han ha kunnskap om skriftene utan å ha studert? 16Jesus svara dei og sa: «Mi lære er ikkje mi eiga, men hans som har sendt meg. 17Om nokon vil gjera hans vilje, skal han kjenna om læra er frå Gud, eller om eg talar av meg sjølv.