23. søndag i treenighetstiden

Rekkje II

Salme

Siden tar du meg opp i herlighet

Sal 73,23-28

^73:23Men eg er alltid hos deg, du held mi høgre hand. ²⁴Du leier meg med ditt råd, og sidan tek du meg opp i herlegdom. ²⁵Kven har eg i himmelen utan deg? Og når eg har deg, ønskjer eg ikkje noko på jorda. ²⁶Om kropp og hjarte sviktar, er Gud mitt hjartes klippe og min del til evig tid. ²⁷For sjå, dei som held seg borte frå deg, går til grunne. Du gjer ende på alle som er utrue mot deg. ²⁸Men for meg er det godt å vera nær Gud. Eg har gjort Herren Gud til mi tilflukt, så eg kan fortelja om alle dine gjerningar.

Brev

Lønn for det onde og det gode

2Kor 5,4-10

^5:4For vi som er i dette teltet, sukkar under ei tung bør. Vi vil ikkje bli avkledde, men ikledde, så det dødelege kan bli oppslukt av livet. ⁵Han som har førebudd oss til nettopp dette, er Gud, som har gjeve oss Anden som pant. ⁶Difor er vi alltid ved godt mot og veit at så lenge vi er heime i kroppen, er vi borte frå Herren. ⁷For vi vandrar i tru, ikkje i syn. ⁸Men vi er ved godt mot og vil heller flytta bort frå kroppen og heim til Herren. ⁹Difor set vi vår ære i å vera til hugnad for han, anten vi er heime eller borte. ¹⁰For vi må alle stå fram for Kristi domstol, så kvar og ein kan få att for det han har gjort i kroppen, anten godt eller vondt.

Evangelium

Å stå opp til livet eller til dom

Joh 5,24-29

^5:24Sanneleg, sanneleg, eg seier dykk: Den som høyrer mitt ord og trur på han som har sendt meg, har evig liv og kjem ikkje for dommen, men har gått over frå døden til livet. ²⁵Sanneleg, sanneleg, eg seier dykk: Det kjem ein time, og han er alt no, då dei døde skal høyre røysta til Guds Son, og dei som høyrer, skal leva. ²⁶For liksom Faderen har liv i seg sjølv, har han òg gjeve Sonen å ha liv i seg sjølv. ²⁷Og han har gjeve han makt til å halde dom, fordi han er Menneskesonen. ²⁸Undre dykk ikkje over dette, for det kjem ein time då alle som er i gravene, skal høyre røysta hans ²⁹og kome ut – dei som har gjort det gode, til ei oppstode til liv, men dei som har gjort det vonde, til ei oppstode til dom.

søndag 24. oktober 2027