Nyttårsaften
GT
Herrens miskunn er ikke forbi
Klag 3,22-26
3:22Herrens miskunn tek aldri slutt, hans nåde tek ikkje ende. 23Ho er ny kvar morgon, stor er din truskap. 24«Herren er min del,» seier mi sjel, «difor set eg mi von til han.» 25Herren er god mot dei som ventar på han, mot den som søkjer han. 26Det er godt å venta i stille von på frelse frå Herren.
Brev
Dersom vi vandrer i lyset
1Joh 1,5-7
1:5Og dette er bodskapen vi har høyrt frå han og forkynner for dykk: Gud er lys, og det finst ikkje noko mørker i han. 6Dersom vi seier at vi har fellesskap med han, men vandrar i mørkret, då lyg vi og gjer ikkje sanninga. 7Men dersom vi vandrar i lyset, slik han er i lyset, då har vi fellesskap med kvarandre, og blodet frå Jesus, Son hans, reinsar oss frå all synd.
Evangelium
Jeg vil gi dere hvile
Matt 11,25-30
11:25På den tida tok Jesus til orde og sa: «Eg prisar deg, Far, Herre over himmel og jord, fordi du har løynt dette for dei vise og forstandige, men openberra det for dei små. 26Ja, Far, for slik var din gode vilje. 27Alt er overgjeve til meg av Far min. Og ingen kjenner Sonen utan Faderen, og ingen kjenner Faderen utan Sonen og den som Sonen vil openberra det for. 28Kom til meg, alle de som slit og ber tunge bører, og eg vil gje dykk kvile. 29Ta åket mitt på dykk og lær av meg, for eg er mild og audmjuk av hjarte, og de skal finna kvile for sjelene dykkar. 30For åket mitt er godt, og børa mi er lett.»