2. søndag i åpenbaringstiden
GT
Han har båret deres synder
Jes 53,6-9
53:6Vi fór alle vill som sauer, kvar ein vende seg til sin eigen veg. Men Herren la på han syndeskylda til oss alle. 7Han vart mishandla, og han audmjuka seg og opna ikkje munnen sin. Som eit lam som blir ført til slakting, og som ein sau som teier framfor dei som klipper henne, slik opna han ikkje munnen sin. 8Ved tvang og dom vart han teken bort. Og kven i hans generasjon tenkte på at han vart riven bort frå dei levande sitt land? For brotet til folket mitt vart han ramma. 9Han fekk si grav hos dei gudlause, og hos ein rik mann i sin død, endå han ikkje hadde gjort urett og det ikkje var svik i munnen hans.
Brev
Skapelse og forsoning
Kol 1,15-20
1:15Han er biletet av den usynlege Gud, den førstefødde framfor alt det skapte. 16For i han vart alt skapt, i himmelen og på jorda, det synlege og det usynlege, anten det er tronar eller herredøme, makter eller styresmakter. Alt er skapt ved han og til han. 17Han er før alle ting, og i han held alle ting saman. 18Han er hovudet for kroppen, som er kyrkja. Han er opphavet, den førstefødde av dei døde, så han i alt skal vera den fremste. 19For i han ville heile fylden bu, 20og ved han forsona alle ting med seg sjølv, då han skapte fred gjennom blodet på krossen hans – ved han – anten det er det på jorda eller det i himmelen.
Evangelium
Guds lam bærer verdens synd
Joh 1,29-34
1:29Dagen etter ser han Jesus koma mot seg og seier: «Sjå, Guds lam, som tek bort synda i verda! 30Det var om han eg sa: Etter meg kjem ein mann som har gått framom meg, for han var før meg. 31Eg kjende han ikkje, men for at han skulle bli openberra for Israel, difor kom eg og døyper med vatn.» 32Og Johannes vitna og sa: «Eg såg Anden koma ned frå himmelen som ei due, og han vart verande over han. 33Eg kjende han ikkje, men han som sende meg for å døypa med vatn, han sa til meg: Han du ser Anden koma ned over og bli verande over, han er den som døyper med Den Heilage Ande. 34Eg har sett det, og eg har vitna: Han er Guds utvalde.